Atzo, martxoak 21, Munduko Poesia Eguna izan zenez, idazle nafar baten olerkiarekin ospatu nahi dugu data; hain zuzen ere Castillo Suarezekin http://zubitegia.armiarma.com/?i=153 animatu eta irakur ezazue bere obra, merezi du eta.
Bomba bat daukat ene bihotzean
eta segituan eztanda egingo du.
Ez zaitez badaezpada ondoan jar
bihotz puskaren batek harrapatuko zaitu bestela
eta nire seguruak ez ditu horrelakoak ordaintzen.
Autogupidaz betetako emakume bakartiak
ez gara oso osasuntsuak;
are gehiago, gure gaitza kutsakorra da eta,
halabeharrekoa denez bizitzea,
pena litzateke zuk nire eritasuna harrapatuko bazenu,
oraindik txertorik ez baita aurkitu horretarako.
Castillo Suarez
No hay comentarios:
Publicar un comentario